重回敬拜

昨日, 我終於有機會再去教會返崇拜. 我最近無返教會o既緣故係

Dec9 - Chicago, 大風雪所以逼於取消原本去 ccuc o既行程
Dec16 - 雪暴, 教會 cancel
Dec23 - 在飛機上

我係香港無特定返一間教會, 原本諗住返 agn 佢地果間, 但係時間唔吻合, 最尾只返左屋企附近o既 播道會同福堂.


呢間教會o既敬拜好活躍. 牧師都好有幹勁. 有d野可以從佢地o既敬拜偷下師.

可能我太耐無敬拜, 所以覺得今次個msg 簡單但係好正. 特別有個 point 講, "人好識分析好與壞, 但係更重要係要識識做個啱o既選擇"

希望大家新一年識做啱o既選擇. Happy New Year!!!

上海遊後感

唉... "事與願違" 可以話係我今個上海 trip o既寫照. 除左地方本身未如我心諗咁interesting 外, 今個 trip o既 plan 亦都未如我所想.

原本以為個 trip 我可以有一定程度o既自由行時間. 但係種種因素 (行程, 交通安排, 同行o既人o既組合), 我只得少量o既單獨時間可以去我想睇o既地方. 不過我都好 enjoy 個 d moments.

地方黎講有點雜亂無章o既感覺, 可能係上海歷史遺留落黎o既問題, 亦有可能係 "祖國特色" 之一. 但係我會話佢係冇乜精心o既城市規劃. (但係好笑o既係, 佢偏偏有個 "城市發展史博物館")

如果我有機會再入祖國, 我會想去下北京多d!!!

安全到港

坐完 21 小時飛機 (其中 2 小時係齋坐係機上因為 delay). 終於到左香港.

返到香港o既屋企, 就被 我家姐o既新寵物 -- beanie -- 攪住哂. 佢要擔左我d襪出房, 又係我房門口 "pee wee", 仲有差d連我支益力多都想飲... 都唔知佢係唔係當我係仇人 因為我搶左佢間房住.

唔知 Sally 教過我o既野用唔用得著 lei?

Chicago – Day 1

我勢估唔到, 我竟然會一年內去第二次 Chicago. 因為 Flora 去 attend conference o既關係, 我再次有機會去 windy city 一趟. 不過, 今次係坐飛機去…

我第一日, 係公司出發, 第一次坐 TTC 去機場. 唔好話, 都 okay 方便, 全程大約都係需要一個鐘 (downtown 計).

由於得我一個人去撘飛機去 (Flora 同 Wilson 早一日去左), 所以我帶左我其中一個 Pinky 妹出 trip, 順便幫佢影下相…

今次班機因為 Chicago o既天氣 delay 左個幾鐘. 攪到我差d去唔到 downtown meet up Flora 佢地食飯. 好彩最尾趕得到去 John Hancock Center 樓下果間 Cheesecake Factory食 dinner (但係坐左成個鐘 train 先去到, 重要到左後突然無哂方向感, 要問路…. 真係羞). 但係大家都累, 所以無同d食物影相, 但係果度真係抵食夾大件.

果晚返到酒店, 同 Wilson 鬥完一陣 mkds 之後就去瞓. 但係間酒店o既實在好高好 “林”, 搞到我唔係瞓得咁好, 但係我唔需要俾錢住, 就算啦… haha…

Decision Made!!! 新年返新工!!!

諗左成個 weekend, 今日終於作左決定. 就係係 2008 年會返新工!!!

同我個 boss 交代左完之後, 一身都鬆哂. 我個 boss 都算好人, 佢話我出年返去執手尾都可以有人工收. 實在有點意想不到.

好咁我可以好好集中精神諗下我個香港之旅. :)

仍然未有答案

今個 weekend, 係我 career 上o既去向抉擇, 已經同過唔同o既人傾過, 問過意見, 祈過禱, 雖然解決到一d心理障礙 (thx Channie), 但係仍然未能夠做到一個好 firm o既決定. 因為仲有d驚會make左個2nd best o既 decision. 不過到目前為止, 新工似係好d.


原來, 要揀一個 "正確" o既選擇, 係可以咁難.

兩件奇妙的事

今日對我黎講可以話係幾特別, 因為有兩件我認為好奇妙o既事發生係我身上.

第一, 朝早走去見工 (2nd interview). 見完之後竟然話會 offer 我. 其實我聽到o既時候有d不知所措, 因為我要面臨我人生第一次事業上的抉擇. 本來我見工前祈禱話最好我見唔成份工, 咁我就可以唔需要揀咁辛苦, 但係神冇聽我咁o既祈禱. 仍然要我面對抉擇.

第二, 下午去左幫 Flora 父母去托新電視. 由於個電視比我想像中大得多, 所以我要將我後面o既 seat 位全部 lay down 先可以帶走部電視.但係架車就只可以載唔哂咁多個人. 不過意想不到o既事發生, 就係係 Markville Mall 竟然撞到 細 Su (Flora 教會o既姊妹). 佢好樂意o既咁車 Flora 媽咪返屋企. 順便幫手做苦力. 如果冇佢幫手, 可能會好麻煩.

我諗返這兩件事, 我覺得神係當中參與. 第一, 祂冇聽我祈禱是要我正面去面對 career 這個問題. 第二, 祂要 remind 我祂會係不知不覺間為你作最好o既安排.

終於返來啦!!!

尋晚終於係 Chicago 返來啦! 係機場等左成幾個鐘, 攪到夜晚十點幾先食飯. 今日 upload 左d相先, 遲d先同大家講下今次個 trip. :)

Let It Snow Sunday

星期六晚落左今年第一場大雪. 第二朝(星期日) 同 ACM o既戰友去左 東浸 領 worship services. 當大家講緊佢地點樣鏟雪, 點樣係路上邊 get stuck o既時候, 我一句都撘唔倒咀. 只係我唔好意思講, "我冇咁o既問題, 因為我住係 condo, 我渣左架 4-wheel o既車..." 講左我驚人以為我晒命就唔好啦.... 我知我咁諗好唔健康, 仍然有待改進.

果日Alfred 講道時, 再次講返佢香港d見證, 又攪到我眼濕濕...

茂羅街

早幾日係一個我經常去的玩具網站上見到一個非常勁o既模型作品. 第一眼見到真係以為係實景!!! 有興趣可以去以下個 link 到睇下.

(這個作品是以灣仔茂羅街做主題)
http://www.toysdaily.com/discuz/thread-45529-1-3.html


對住這件 咁 "鬼斧神工" o既作品時, 唔知點解我諗起神o既偉大. 因為這件作品就算做得幾真實 (特別係人), 裡面o既野都係 "死". 但係神o既創造比這件模型更勁o既地方就係祂造o既野能夠活生生o既郁動 (人就更加特別, 神吹一口氣入去, 人就變成有靈o既活人). 這點係頂級模型師都做唔到.

奇奇怪電話

今日係 office, 有個不名來歷o既電話 call 我, 但係我就照聽.

佢一打黎就話我中奬, 但係佢又講唔出我個名. 我覺得奇怪所以盡快洗走佢. (只係不斷話我無興趣...)

至後我的好奇心驅使下我試下用 google search 下 個 number. 竟然有發現... 個發現係原來網上有 site/forum 專比人將一d 不名來歷o既電話 number 擺上網比人知呢d怪電話. 而搵我果個電話係來自一間傳銷公司. 唔知呢邊d傳銷有冇香港果d 咁 aggressive?? 我自問就唔敢去試啦.


今晚去左一個姊妹o既母親o既追思會. 去完之後再次提醒自己真係要好好對我o既父母同阿公 (即係 我母親o既阿爸... 唔係我自己).

去旅行...

今晚 cell group gathering 睇左大家一d去旅行o既相, 我睇完哂之後, 我就想快d去日本 (一月就會去大阪同京都), 同埋想同屋企人講, "聖誕可唔可以改去北京?"

因為... 我要去長城做好漢!!!

北韓無希望?

早幾晚同女友傾開北韓虐待人的事件. 她講得十分激動. 仲要喊哂咁... 我都唔知點反應...

最後我地只有一齊為北韓這個地方祈禱 (但係其實她唔係好想...) 因為我知道北韓這個極權地方要有希望, 真係需要神大能的手先做得到.

我地真係要為北韓這個地方好好祈禱 (我都應承左神我會每日為北韓祈禱)

同埋, 我真係要認識下北韓這個地方先...

櫻大戰 (Sakura Wars) – 真宮寺櫻 Pinky

尋晚幫她影完相, 同大家分享下先.

真宮寺櫻簡介:

櫻大戰是由遊戲機慢慢改篇成動漫畫. 但係我就一隻 她的 game 或 漫畫都未睇過. 所以我對她o既一切都唔係好清楚. 上網時資料, 真宮寺櫻係櫻大戰其中一個女主角, 生於 20 世紀初的一個 “武舞”雙全的傳統日本少女. 她加入了一個叫帝國華擊團o既組織. 一方面以她一流o既劍術打退壞人, 另一方面又用她的舞技在劇院演出, 去掩飾她的身份...

一如大部份 Pinky, 真宮寺櫻有兩套衫去替換. 一套係帝國華擊團o既制服, 另一套係 櫻自己o既和服 (戰鬥服????)

我自己就覺得套和服就幾好, 可以擺到d唔同o既 "posture", 制服就... 有d失望... 因為睇 product photo 時 d 褸 好金架...

唔知點解, 我呢隻 pinky 成日扁咀, 可能因為要成日打交gwa... 可恨我唔識改造, 否則我一定會執返個咀...

今日開始寫 blog...

今日我開始寫 blog. 因為覺得人大左, 開始無記性 (我就不嬲都無架啦), 所以我要搵d辦法去記低同埋去跟人分享下. 根據我o既性恪, 我唔知我可以 keep 到幾耐. 睇下點先啦.