今曰做左 Door Crasher...

今朝 4:45AM, 我就出左門口 Futureshop (一間加拿大o既大型電器舖)... 因為今日係 Boxing Day Sale. 一方面睇中左部 Laptop 做特價, 另外我想去趁熱鬧. 其實我黎左加拿大咁耐, 都未試過咁樣去排隊買野....

5:15AM, 我同阿承就到左 Warden and Hwy 7 o既 Futureshop. 果陣就已經有 約150 人係舖頭外等. 今朝雖然凍, 但係無風, 所以都 okay頂得順. 聽聞, 12:00AM 就有人擔定凳仔霸頭位. 唔知佢有乜野禦寒工具幫佢捱過漫漫長夜??? 見條龍比我地想像中短, 所以就去排隊準備做一生人第一次o既 door crashers.

係條龍等緊o既時候, 有好幾個店員係街度幫某d hot items 派籌. 好唔好彩, 我想要o既 laptop d 籌派晒, 所以突然好似無晒目標. 但係既然黎到, 緊係等入左去先算啦... 我仲本來想"把心一橫", 將買 laptop o既 budget轉去買部 lcd tv, 但係最尾都打消左個奇想因為我無咁o既需要住...

原本話 6:00am 開門, 但係 5:45am 就開始放我地入... 入到去我就飛去 laptop o既 section 度排隊,望有多餘貨啦. 點知.... 原來比預計多左成幾倍貨, 所以我無風浪地買到部新o既 laptop... 以上係我最尾o既收獲... 隻 internet security 係幫人買o既, 至於隻 left behind games, 純粹買黎 support 下 left behind series... (其實, 都唔叫做 support, 係o既話都係佢初出時就買左...)

其實, 做 boxing day door crashers 都幾過癮. 不過, 要夠裝備先得, 如果唔係就一定凍瓜... 但係如果係香港就可能會比d "專業排人" 排晒... 咁我就一定唔會去...

今日有d moody (嫩愛倒數 19 天)

今日係教會裡為 "嫩愛" 做宣傳. 今日o既 promotion 係以skit o既形式做. 做完之後, 有位弟兄走過來同我 comment 有關個 skit o既內容. 聽完後有d唔開心. 我明白佢係有佢o既立場, 我亦都覺得佢有咁o既 comment 係完全可以理解. 但係令我覺得最唔開心o既係... 係唔係我太過寛容, 令到這些 mistake 出現 (因為係我 approve 個 script 同 translate)

所以, 我今日一離開教會就返左屋企瞓返陣先再出街... 等自己諗清楚發生什麼事, 唔好咁 moody...

竟然發左個咁o既夢

尋晚瞓覺我發夢, 竟然夢見我同一班識 "三姑" o既 弟兄姊妹幫 "三姑" 搵女朋友, 因為佢媽認為佢係時候要拍拖同成家立室啦. 雖然好多 detail 位已經唔記得, 但係我"仍"住係一個signal, 同佢搵返個伴.

p.s. "三姑" 唔係我親戚...

近期一up

今個禮拜, 見到全球經濟同加幣不斷下滑, 攪到人心徬徨, 好似成個世界"lup lup"亂. 這個情景突然令我會諗... "神返來o既日子好近啦." 這個想法讓我反思返其實近幾年, 我對 "末世" 這個信息開始覺得唔逼切, 就好似陳牧 (我教會牧師) 早兩星期 pre-study 所講, "好多人係信神會返來, 但係唔信會係我們在生之年發生". 我相信我係其中一人. 但近期o既金融海嘯, 不得不令我諗返這個原來係咁逼切o既題目.

奧運訪港... 好攪gag

今日睇香港新聞, 先知道中國奧運國家隊訪港同表演. 本來都無乜野o既, 但係我覺得今日個發佈會好攪gag. 成個發佈會, 香港傳媒只係識問敦晶晶同奧運完全無關o既問題, 仲要個主持人"提醒"記者個發佈會唔係敦晶晶個人專訪. 真係夠"囉".

從呢件事, 我自己就覺得香港傳媒真係好唔夠成熟. 成日用娛樂記者o既手法去訪問這些人. 可能這些就係香港o既特色啦.

奧運後感...

奧運終於都曲終人散. 加拿大最尾攞左 18面奬奬牌 (3金 9銀 6銅). 都算係 surprising la.

今年o既奧運, 俾我睇到幾樣野.

1) 中國o既專業運動培訓o既威力. 佢地今屆攞左 51 金, 除左係佢地一向o既強項(好似跳水, 乒乓, 體操)橫掃之外, 佢地竟然係d一向我認為無可能o既運動攞金 (帆船? boxing?). 真係令我不得不配服.
2) 乜野叫做燒錢. 睇住開幕同閉幕o既煙花你就會知. 我就真係替 london (2012 年奧運主辨國) 擔心.
3) 我朋友 wilson 攪爛 gag o既程度. 佢係佢個 wedding banquet 竟然話加拿大為左慶祝佢o既婚禮, 佢地都要等到果日 (8 月 16日) 先攞牌...
4) 加拿大算好有品. (雖然有d就好 emotional)

北京奧運算唔算成功, 就真係見人見智. 但係我就... 由得奧運be奧運啦.

封左塵....

原來我好耐冇寫 blog 啦... 只因我懶... 我會寫返多d架啦...

Elora 半日遊

啱啱個星期六跟Flora 個教會去左 Elora, 位於Guelph 以北o既一個 town 仔 "郊遊". 本來天氣十分陰暗, 到食 lunch 時仲 thunderstorm! (但係今年係 多倫多經已見怪不怪, 太多啦...). 好在我們可以係個 park o既亭聚會同食 lunch, 好感謝神!!!

食完野之後就去左 Elora 個 town行. 跟據一位有分預備今個trip o既姊妹講, Elora 係一個由蘇格蘭人建立o既 town. 又咁啱, 我地經過一間 church o既時候, 又見到有蘇格蘭人行婚禮 (因為見到個新郎著住條蘇格蘭裙, 同埋有人吹 蘇格蘭風琴. 都算係見識到一d "地道野"...

雖然個 town 好細, 但係都有佢o既特色. 有好多屋都好特別. 真係值得一到!

原來陳奕迅係...

哈... 今日睇電視先知道... 原來陳奕迅係我小學o既師兄!!! 係個 show 果度, 仲有影返我母校o既操場.
我母校最大o既變化莫過於個操場鋪左膠, 再唔係以前o既石地... 而家d師弟真係幸福, 肯定佢地搽少左好多紅藥水. 我以前... 就咁跌落地都會爆哂"江".
而家, 我好有興趣知道, 究竟陳奕迅有冇我地母校o既 "優良傳統", 就係一首 "好筆法".

其實今日係一個大日子, 因為我團契o既 Patrick 終於受浸. 我同團契o既 br/si 為佢都好開心因為佢可以話係近年係我地團契睇住成長o既一位弟兄. 其實佢o既加入唔多唔少令到團契有新o既氣色. 本人就唔係好識形容, 大家用個心去感受下啦. :)

星星之火

今日去完一年一度 o既 acm retreat. 又再次得到 recharged!!!

同上幾年唔同, 今年我地轉左去 fair havens, d 伙食就真係好左好多, 唯一唔好就係成日要 "雪上飄". 本來以為可以重遊故地 (我稱之為 "旺角卡門"), 但係因為果度無鏟雪, 所以完全入唔到去果個位. 唉...

除左地方, 今年最 surprise o既就係 retreat 到做左個屬靈大掃除同埋領受左個我好難忘o既一個聖餐.
同埋, 就係認定返自己同神o既關係同我係 acm 事奉o既原因.

我好感謝神, 祂俾我有返新o既力量, 去做好擺係我面前o既事奉, 重燃返這點星星之火.

眼生 pot

今日 flora 放工去左睇醫生, 因為佢隻眼生左個類似 "pot" o既野. 本來仲以為可以搵醫生放"朧"就無事, 但係醫生話要有待觀察. 如果情況無變就要搵專科...

這件事都令佢幾唔開心... 其實都明o既, 因為佢都好重視佢對眼. 我只係希望個 "pot" 唔會對佢有長期o既影響.

返新工之後

返左新工之後, 我先發覺我被過去大半年o既 無正業生活 (我之前份工係 part-time only) 養懶左. 到現在一刻,我都未完全 adapt 新o既生活時間表. 尤其係我發覺我少左好多搭巴士o既時間做自己野.


可能新工加埋 flora 係工作大壓力 o既影響, 自己近排好無心情做好多事 (包括整 blog, upload 相, 玩玩具). 所以到而家先有d心機寫這篇 blog...

希望可以快d 可以勤d update 返 個 blog :)

我最喜愛的歌手 -- 張敬軒

識得我咁上下o既朋友, 都應該知道我一向係鍾意 o既歌手 係 譚詠麟 (80 年代), 張學友 (早期 至 90 年代中) 同 李克勤 (90 年代初 + 演奏廳 )... 但係今年, 我覺得張敬軒都可以加入 "我最喜愛的歌手" 行列.

今次返香港, 我唯一有買o既 cd 就係軒仔o既 "酷愛". 一"刨"之下... 我竟然最愛o既歌唔係熱播o既 "酷愛", 而係 "感情用事"... 因為第一次聽o既時候... 我覺得自己聽返 80年代o既歌 (不論曲詞演繹)... 令我好感動呀.

哈哈... 都話我係屬於 80 年代架啦!!!

返來啦.... 但係攰死左!

抖左幾日, 終於有返多d精神黎整下個 blog.

真係估唔到, 返香港仲好似攰過/忙過係加拿大. 日日早出晚歸不在話下, 仲要幫屋企攪電腦/電視d野, 仲週不時要應付我家姐o既新寵兒, beanie. 但係可以見好多香港o既朋友同埋可以同 Flora去日本, 攰都抵...

今次其中我最感意外o既係係中環街上撞到 acm o既 Vincent (大俊). 因為佢返左香港之後基本都同佢失哂聯絡. 所以都無諗過會搵佢. 但係能夠見到佢一面都好開心啦. 本來諗住搵佢食 lunch, 不過佢同我都無時間 lu.