在香港 -- Day 4 - 偶然遇上的...

我果日去跟阿爸阿媽走過九龍去幫襯聞名以久O既 ｢澳洲早餐｣. 仲俾我撞倒佢... 都算係不枉此行.

在香港 --- DAY 3 --- 舊日的足跡

哈.... 原來我O既｢第三日｣ 就已經要係加拿大寫... 證明我實在好無時間係香港上網...

果日係上環辦理完回鄉卡，趁有D時間，所以我就留左係中上環區遊盪...

其實... 中上環現在O既SOHO區附近就係我生命頭六年所出沒O既區域，所以我對這區有特別O既感覺。


這是鴨巴甸街的同威靈頓街交，我就係O係度落｢保母車｣。7-11 所在，以前係一間｢裙袴｣舖。


行鴨巴甸街上，就行到荷理活道。這個位, 以前其實係一間 ｢古玩店｣。馬路另一面，就係間生果舖。仲健在架!!! 我仲幫襯左佢買左枝玉泉忌廉。


生果舖對面，就係中環警察宿舍 -- 我以前在中環住O既地方。 而家已經｢調｣空左好幾年。



行到士丹頓街，竟然這間辦館還在!!! 竟然佢仲未俾人收購!!! 繼續撑住呀!!! 你係唯一一間在SOHO區發展前留下來O既舖頭。

舊日的足跡就係得咁多。 其實今次咁行一次，我好感慨。因為實在同我記憶中O既中環真係唔同晒。尤其係見到警察宿舍，不自覺諗返起好多細個時O既野...