2010 冬季奧運 DAY 7 -- 太突然

尋日返工CHECK的第一個EMAIL，竟然係收到一位主內O既姊妹離世O既消息。這個EMAIL令我個心一沈因為我實在難以想像我再無機會見到佢。三個月前我仲同佢一齊係聯堂詩班事奉，但係估唔到竟然那是最後一次見佢。所以係公司時都好心緒不靈。

今日加拿大終於攞左第7個冬運奬牌。但係睇黎佢地可以放棄 OWN THE PODIUM。

2010 冬季奧運 DAY 3 -- 加拿大第一金

今日相信係加拿大冬運歷史一個大里程碑。加拿大終於在自己國家舉辦O既奧運攞第一個金牌。 (之前 76 年 MONTREAL 同 88 年 CALGARY都無金而回)。我都覺得好開心。因為加拿大無再"CHOKE UP"

至於自己，今日一朝早返教會崇拜時就因 PLAZA 的 PARKING 問題同其中一個STORE OWNER有少許CONFLICT。雖然件事唔係我攪出來，但係我都有Ｄ唔開心。不過神好奇妙，佢無讓我自己一個去面對這件事。佢安排左KAREN黎 RESCUE我。(好似有D誇張，但係KAREN頭先同我分享完之後，令我更相信佢O既出現係神O既安排) 詳情可能遲D有機會再講。

2010 冬季奧運 DAY 1 -- 一個悲傷的開始

4年一度O既冬季奧運今晚終於開始。當大部分人 (特別係加拿大人) 都興高釆烈睇緊火炬傳遞時候，就傳來一宗令人傷心O既事。

在 LUGE 的 練習時發生一個致命意外。一名GEORGIA 運動員因失去控制而被拋出賽道然後失救死亡。

聽到O既時候都有D無言。話晒開幕禮應該係開開心心，但係有件不幸O既事發生左，唔多唔少都KILL THE MOOD。

其實而家我好想知道O既係其他LUGE O既運動員如何面對這件事多過今晚邊個會"點火"。

向亞居拉學習

近幾日，我靈修的經文都是圍繞住百基拉與亞居拉這對在新約聖經提及到的夫婦。而從中我有些領會想分享出來。

簡單來說，他們是一對住在羅馬的夫婦，曾與保羅同工同住。是一對十分愛主並不分彼此的夫婦。據很多解經的資料講，他們雖是夫婦，但是百基拉(即是太太)的靈命是遠超於她的丈夫亞居拉。(當然這並不等於亞居拉不虔誠) 不過亞居拉並沒有因此感｢無面｣ 或 ｢自卑｣。反而欣然地接受。

我仲有半年就做人老公。直到現在，我間唔中會有那種｢大男人的自卑｣(在工作層面上；在事奉上暫時未有)。這種自卑令我覺得要做到好似亞居拉咁樣O既老公實在不易。或者，亞居拉O既謙卑正是我要學習的。

香港足球返來啦!!!

今朝早一起身，就聽到香港係東亞運贏左足球金牌!!! 果一刻即時醒晨晒!!! 我仲立刻上YOUTUBE搵有冇人 UPLOAD 左D 精華片段。 睇到D片真係有D感動，話晒香港第一次贏｢國際｣足球奬項 (至少係我懂性開始)

香港足球似乎進入左一個新O既年代。希望佢地能夠吸引返多D人注意足球同運動，唔好淨係向錢看。

世界盃抽籤結果

竟然今日係世界盃抽籤O既大日子，我這等只會睇世界盃同盲目追棒荷蘭O既人梗係要睇下個DRAW RESULT 啦.

Group A
South Africa
Mexico
Uruguay
France

Group B
Argentina
Korea Republic (S. Korea)
Nigeria
Greece

Group C
England
USA
Algeria
Slovenia

Group D
Germany
Australia
Ghana
Serbia

Group E
Netherlands
Japan
Cameroon
Denmark

Group F
Italy
New Zealand
Paraguay
Slovakia

Group G
Brazil
Korea DPR (N. Korea)
Ivory Coast
Portugal

Group H
Spain
Honduras
Chile
Switzerland

睇黎荷蘭抽到好籤... 但係都係唔好咁快開心住...

王菀之演唱會

今晚去左睇王菀之係多倫多O既演唱會。 佢真係一個非常GOOD O既 PERFORMER 因為佢個 MUSIC DIRECTOR話 王菀之O既喉嚨經已傷左2個多月，但佢仍然能夠唱足90分鐘(仲要係好有水準)，實在犀利。

我覺得有D可惜O既係... 10點前就散場... (好似話CUT 左歌...)

五個月後...

不經不覺，對上一次UPDATE 個BLOG 係成5個月前O既事...

係尼5個月發生左好多野，包括訂婚，搬屋，裝修，去無數個婚禮，屋企人有事，教會團契活動，弟兄姊妹同親友O既BB 出世，IMMANUAL WORSHIPERS O既 EVENT，LAY-OFF... 等等。但係我都好｢無心無力｣將這些事寫係個BLOG 到。

好｢無心｣係因為覺得好似唔知想自己個BLOG都寫 D 乜 (有好多UNFINISHED TOPIC)。

好｢無力｣係因為好多事發生所以夜晚無乜精神去｢寫文｣。(我諗大家要知道一樣野，我中文的書寫能力係有限公司...)

其實這種｢無心無力｣亦係我身心靈O既健康都反映到出黎。1)肚腩愈來愈勁 2)脾氣差左 (可能無乜人留意到，但係自己知) 3)對屬靈事物敏銳度減弱。

簡單黎講我O既身心靈都需要WORKOUT... 其中一樣就係我開始定時定候游水。希望可以KEEP到。

ACM NA TOUR 後感 (1) -- 出發篇

今次的 NA TOUR， 對我來說很特別。 因為我今次能夠去到 TOUR， 完全係神的憐憫。

以往我跟 ACM 去 NA TOUR， 我都好無風無浪咁出發。每次都係只要準時遞FORM，我60日後就可以成行。

但係今年好唔同，首先是我今年年頭已經用左大部份O既有薪假期返香港，所以我報名O既時候都好掙扎好唔好用埋剩餘O既兩日假去NA TOUR。(但係實際上，其實這兩日經已係無薪假因為年尾公司例行SHUTDOWN我要逼住放假...) 到截止報名的一刻，我先下定決心 JOIN NA TOUR。因為我覺得去NA TOUR 對我黎講係重要O既事。

本來諗住三月返完香港之後，過一陣先同老細講要告假，但係正所謂"天有不測之風雲"，竟然我係出發前三個禮拜 ｢出水痘｣。咁樣我又要逼住要係屋企休養一整個星期。由於出水痘，所以連我D病假同有薪假都用晒。見D假無晒，再加上H1N1令我家人對去美國好似有D不安，所以我都打定輸數唔去得。但係我去唔倒又好似有D不甘。

最尾，我都鼓起勇氣嘗試問下老細同家人同女友俾唔俾我去。 係哩個MOMENT，我將個DECISION MAKING O既 PROCESS交俾神。 我相信，如果神容許我去O既話，佢一定會俾我｢過三關｣。感謝神，神竟然三關都俾我去。雖然我去會令我係金錢上有多一些損失 (我亦都為這個緣故再掙扎好幾日...)，但係我係個TOUR所經歷O既，我得到O既比我所失O既更多。

在香港 -- Day 4 - 偶然遇上的...

我果日去跟阿爸阿媽走過九龍去幫襯聞名以久O既 ｢澳洲早餐｣. 仲俾我撞倒佢... 都算係不枉此行.

在香港 --- DAY 3 --- 舊日的足跡

哈.... 原來我O既｢第三日｣ 就已經要係加拿大寫... 證明我實在好無時間係香港上網...

果日係上環辦理完回鄉卡，趁有D時間，所以我就留左係中上環區遊盪...

其實... 中上環現在O既SOHO區附近就係我生命頭六年所出沒O既區域，所以我對這區有特別O既感覺。


這是鴨巴甸街的同威靈頓街交，我就係O係度落｢保母車｣。7-11 所在，以前係一間｢裙袴｣舖。


行鴨巴甸街上，就行到荷理活道。這個位, 以前其實係一間 ｢古玩店｣。馬路另一面，就係間生果舖。仲健在架!!! 我仲幫襯左佢買左枝玉泉忌廉。


生果舖對面，就係中環警察宿舍 -- 我以前在中環住O既地方。 而家已經｢調｣空左好幾年。



行到士丹頓街，竟然這間辦館還在!!! 竟然佢仲未俾人收購!!! 繼續撑住呀!!! 你係唯一一間在SOHO區發展前留下來O既舖頭。

舊日的足跡就係得咁多。 其實今次咁行一次，我好感慨。因為實在同我記憶中O既中環真係唔同晒。尤其係見到警察宿舍，不自覺諗返起好多細個時O既野...

在香港... Day 2

嗰日係我堂大佬O既大日子，亦係我第一次係香港參與婚宴。

或者我以往只出席過教會式婚禮 (以及在港舉行的婚禮)，所以今次的婚禮可以話比我有D｢新體會｣。

1) 只需要十分鐘便完成整個儀式。(半個鐘要被趕離場)
2) 攝影師要充當婚禮MC。(仲要做得好假)
3) 話8時入席，成9時先有得食。

唔知係唔係巧合，我發覺他們的誓詞中沒有 ｢一生一世｣ 的字眼在裡面。這個令我不禁諗：｢係唔係他們自己唔相信婚姻是一生一世的承諾???｣

我自己當然無答案。(你估我敢當場問他們這樣的問題?!)

在香港-- DAY 1

坐左16個鐘機，只係瞓左1個鐘。但係一落機，第一樣就走左去東大街(筲箕灣)度食"撈粗"。 之後先返屋企瞓一陣，然後再出去食飯。



夜晚去左一間高檔意大利菜。有一樣野令我最大開眼界，係原來CAESAR SALAD 都好似紅酒咁可以試味...




食完飯，我就去左睇下WILSON O既新居。 而家佢屋企就有好多空間，但係唔知到走O既時仲可唔可以KEEP 住咁...

起程啦

(這是我在飛機上打的，但到而家我先能POST上黎...)

不知不覺，我就返到香港啦. 今次都可以話係返香港返得最短O既一次。因為全程只有10日時間係香港。但係今次亦都係最有目的去返香港。(有2個婚禮去 + 家姐生日。) 唔知點解，硬係覺得今次有得返香港個感覺好唔實在，好似一瞓醒就會去完咁。

今次係我第一次坐AC NON-STOP機返香港。係機上面睇左兩套戲，分別係 ­｢証人｣同 ｢武俠梁祝｣。｢証人｣都叫做OK，至少我無諗過幾個主角可以咁樣扯上關係。至於｢武俠梁祝｣對我黎講就真係唔得，因為我睇左唔夠一個鐘就瞓左 (如果唔係佢,我諗我連這半個鐘都無...)

今次亦係我係中文打字上O既一大突破…就係總於識打中文標點。

一個蛻變的... RETREAT

不知不覺, 我己經第六次參加 ACM CANADA O既RETREAT.

今次最唔同O既地方係... 我去完之後, 覺得同弟兄姊妹有種前所有O既陌生感... 唔知係唔係自己近期自己O既問題定係我真係同佢地疏遠左.

當然, 今年都有好多開心O既MOMENTS, 包括星期六晚的SNACK TIME, 有鍾牧師同DR. ANGEL 跟我們食宵夜 (睇住牧師整 咖啡杯面), DISCUSS 一D 敏感話題, 仲一齊睇返"AIRPORT AUNTIE" 的片段. 我點都估唔倒牧師會咁好玩...

最緊要O既係, 第二日O既PRACTICE, 個ATMOSPHERE好似好左.

而家, 我最唔知點O既就係唔知五月跟唔跟ACM去NEW YORK 好...

整 cookies

今晚團契, 我們轉易陣地去左 Wilson 加拿大O既屋企度整 COOKIES. 一來地方適合我地做 "庇護工場", 二來可以 去探下 WILSON 媽.

Ying 就係我地今次O既"大廚"

開工啦!!!


要碌扁D "DOUGH", 又要"TUP"心心..., 仲要落粒粒添...
當然, 仲有D後期工序 (例如: PACKAGING), 但係我無影底比大家...


當中仲有大廚教點整D COOKIES (特別節目... 肥仔又玩即場翻譯...)
最後附有精美O既RECIPE!!!
THANKS YING!!!

阿媽返黎... 有湯飲!!!

我阿媽早兩日在香港回來. 好快就煲左個湯比我飲... 正... 好耐未係自己屋企有住家湯飲啦!!!

今晚團契, PATRICK 同 KAREN 以訪問O既形式講返KAREN　她係巴拿馬的訪宣的經歷. 其實都比我想像中做得好, 主要係我覺得今次O既訪問真係做得好DETAIL. GOOD JOB GUY AND GAL!!!

Wilson... 兩年後見

Wilson, 你聽日就走返香港啦... 男子組又會少左個忠實MEMBER... 你坐好飛機, 兩年後又一條好漢咁返黎...

我地等住你個"驚世著作" -- 復活筆記O既初稿...

今曰做左 Door Crasher...

今朝 4:45AM, 我就出左門口 Futureshop (一間加拿大o既大型電器舖)... 因為今日係 Boxing Day Sale. 一方面睇中左部 Laptop 做特價, 另外我想去趁熱鬧. 其實我黎左加拿大咁耐, 都未試過咁樣去排隊買野....

5:15AM, 我同阿承就到左 Warden and Hwy 7 o既 Futureshop. 果陣就已經有 約150 人係舖頭外等. 今朝雖然凍, 但係無風, 所以都 okay頂得順. 聽聞, 12:00AM 就有人擔定凳仔霸頭位. 唔知佢有乜野禦寒工具幫佢捱過漫漫長夜??? 見條龍比我地想像中短, 所以就去排隊準備做一生人第一次o既 door crashers.

係條龍等緊o既時候, 有好幾個店員係街度幫某d hot items 派籌. 好唔好彩, 我想要o既 laptop d 籌派晒, 所以突然好似無晒目標. 但係既然黎到, 緊係等入左去先算啦... 我仲本來想"把心一橫", 將買 laptop o既 budget轉去買部 lcd tv, 但係最尾都打消左個奇想因為我無咁o既需要住...

原本話 6:00am 開門, 但係 5:45am 就開始放我地入... 入到去我就飛去 laptop o既 section 度排隊,望有多餘貨啦. 點知.... 原來比預計多左成幾倍貨, 所以我無風浪地買到部新o既 laptop... 以上係我最尾o既收獲... 隻 internet security 係幫人買o既, 至於隻 left behind games, 純粹買黎 support 下 left behind series... (其實, 都唔叫做 support, 係o既話都係佢初出時就買左...)

其實, 做 boxing day door crashers 都幾過癮. 不過, 要夠裝備先得, 如果唔係就一定凍瓜... 但係如果係香港就可能會比d "專業排人" 排晒... 咁我就一定唔會去...

今日有d moody (嫩愛倒數 19 天)

今日係教會裡為 "嫩愛" 做宣傳. 今日o既 promotion 係以skit o既形式做. 做完之後, 有位弟兄走過來同我 comment 有關個 skit o既內容. 聽完後有d唔開心. 我明白佢係有佢o既立場, 我亦都覺得佢有咁o既 comment 係完全可以理解. 但係令我覺得最唔開心o既係... 係唔係我太過寛容, 令到這些 mistake 出現 (因為係我 approve 個 script 同 translate)

所以, 我今日一離開教會就返左屋企瞓返陣先再出街... 等自己諗清楚發生什麼事, 唔好咁 moody...